الجمال هو جمال الروح والجوهر ويكتمل الجمال عندما ينضم اليه جمال المنظر وهو صفة الحسن في الاشكال مما يبعث في النفس الشعور بالاعجاب والجمال قيمة مرتبطة بالغريزة والعاطفة والشعور الايجابى
تناول الشعراء السودانيين لفظ الجمال في العديد من اشعارهم فشاعر الحقيبة الراحل ود الرضى قال بالجمال وجهك انغسل والعيون طابعا الكسل المزمزم ضرب مثل عجوة معطونة في عسل والراحل مبارك المغربى قال للوطن.ماعشقتك لى جمالك انت اية من الجمال او هويتك لى خصالك انت اسمى الناس خصال والراحل الفنان حمد الريح تغنى باغنية ياالغاريك جمالك زينا نحن مابستاهل تكويه بى دلالك والراحل ادريس جماع عبر باجمل تعبير وقال اعلى الجمال تغار منا ماذا عليك اذا نظرنا والراحل خليل فرح قال يا ام جمالا لسع معجن كلمة كلمة وحروفو ضجن والفنان ابوعركى تغنى باغنية الجميل السادة وضاح المحيا
وامير العود الراحل حسن عطية تغنى باغنية ياجميل ياجميل ياسادة حبك جننى زيادة والباشكاتب الموسيقار محمد الامين تغنى باغنية اجمل عيون عندك يا اجمل الحلوين نجدة غريق ومنار برجع التايهين والفنام مجذوب اونسة تغنى باغنية ياالجمالك تام زايدو بى حشمة والراحل خليل اسماعيل تغنى باغنية جمالك مية في المية وشبيهك مافي كلية وكلامك فيهو حنية ورقيق عندك شعور حية والفنان كمال ترباس تغنى باغنية انتى الجمال بتسكرى وجوة القلوب بتعسكرى ست اللهيج السكرى والراحل سيد خليفة تغنى باغنية انت جميل والجابك لي براهو جميل يامنديل وهناك اغنية الحقيبة اجمل حبيب للروح قلبى اصطفاهو وماقادر اعرف ايه اسباب جفاهو وهنالك اغنية الراحل ابوداؤود غنى اغنية اجمل حبيب للروح قلبى اصطفاهو وماقادر اعرف ايه اسباب جفاهو
وما اوردناه من امثلة هو غيض من فيض وهذا علي سبيل المثال لا الحصر ويصبح الجمالةهو كلمة السر في الحياة وكن حميلا ترى الوجود جميلا
