أخر الأخبار

أشتات – صلاح وداحمد – سايق العظمة سافر خلانى وين

السفر والانتقال من بلد الى اخر ومن مدينة الى اخرى ومن قرية الى مدينة امر متعارف عليه منذ قديم الزمان وكان في الماضي السفر بالدولاب الذي يمتد لعدة شهور ورغم هذه المعاناة الا ان الكل لم يترك السفر
تناول شعراء الاغنية السودانية السفر في العديد من اشعارهم وكان معظمه اهات وبكاء وشوق ولوعة وحنين لمايمتاز به مجتمعنا من تماسك وتكاتف اسرى يشمل الاسرة الصغيرة والممتدة وينتقل للاصدقاء والجيران واهل الحى ونريد في هذه العجالة ان نرصد بعض الاغانى المتعلقة بالسفر فالراحل سيد خليفة لدية اغنية يا مسافر وناسي هواك ارواحنا وقلوبنا معاك وهنالك اغنية ياسايق ياماشى النظرة ماشة وراك وقف وسوقنى معاك
وهنالك اغنية السفر ملحوق ولازم اتانت تجبر بالخواطر وقلنا ماممكن تسافر.. واغنية الراحل ابن البادية سافرنا في عينيك ولسه قلوبنا بيك متجننة واغنية الراحل مصطفى سيد احمد التى تقول سفر مطارات الوداع ضجت قدامك وراك واغنية الراحل زنقار من بف نفسك ياالقطار ورزيم صدرك قلبى طار واللورى ايضا من وسائل السفر وهذا هو الفنان عبد القادر سالم يقول اللورى حل بى دلانى في الودي والراحلة عائشة الفلاتية تقول اطير حدى واخطفوا من العالم والفنان الراحل عثمان الشفيع القطار المر فيهو مرة حبيبي وياالقطار تدشدش يا الشلت محبوبى والفنان نور الجيلانى عدي بينا يامراكبى
ويتواصل تغريد شعرائنا فنرى اغنية الفنانة الراحلة فاطمة الحاج تقول يامسافر فراقك صعيب من بعدك حياتى كيف تطيب ويبدع الحلنقى والراحل وردي في اغنية هجرة عصافير الخريف حيث يقول مواكب الهجرة اتلاشت سراع ليه ياعصافير ليه الاسف مين علمك لحن الوداع عارف دا ماول سفر لى بلاد بعيدة بلا متاع وهنالك اغنية يا السايق الفيات قوم بى واخد سندة واغنية الراحل عثمان حسين كلمات الراحل بازرعة كل طائر مرتحل عبر البحر قاصد الاهل حملتوا اشواقي الدفيقة واغنية قطار الشوق متين ترحل تودينا واغنية الراحل حمد الريح ياحليل الراحوا خلو الريح تنوح فوق النخل واغنية سفرك بكرة قالوا ياناس مالكم ومالو واخيرا وليس اخر الاهزوجة الشعبية التى كانت تقول سايق العظمة سافر خلانى ليه والعظمة في السابق كانت تطلق علي العربات التى تسافر بين مختلف الاقاليم كاللوارى وغيرها
ختاما ماوردناه من اشعار كان علي سبيل المثال لا الحصر وهذه الاشعار تؤكد بان مجتمعناالسودانى متكافل وحنين حتى اننا نودع المغترب بالدموع ونستقبله بالدموع ايضا واهلنا في لحظة الوداع والسفر يدعون لك الله يعدل طريقك فالسفر فيه خمس فوائد وهو امر معروف للجميع سفرا سعيدا للجكيع وعودا حميدا مستطاب باذن الله

الحاكم نيوز وجهة جديدة في عالم الصحافة الرقمية المتطورة... سرعة اكتر مصداقية اكتر دقة وانتشار للخبر والإعلان ..™

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى