الخرطوم الحاكم نيوز
نشرت الحكامة شادن بوست على صفحتها في فيس بوك تحكي فيه المعاناة وما تشهده البلاد وكتبت قائلة :
حباب الزينين عساكم عافيه طيبيين
للعقووووول الراقيه فقط، رجاءً مامحتاجه إنصرافيه في البوست دا إطلاقا
أنا محتاره ومحتاجاكم بشده
زول يشرح لي دا شنو الهبوط السلوكي البحصل في الفيس دا، عدم إحترام عقول بشكل مؤلم وحات الله نحن تعبنا علي روحنا وإجتهدنا جدا وبذلنا كل الممكن لأجل التطور الفكري والرفعه،
ياخ مااااا معقول نكون ف2021 ولسه بنتنمر في بعض و بِنعَّرف العالم قدر شنو نحن عقولنا خاويه ومريضه،،، صور خليعه وتعاليق سيئه جدا وتمادي في الإنصرافيه والإسفاف،،
بوستات مرعبه من حيث الكم والنوع، تفاعل مخيف مع الخواء…
وين ثورة الوعي وين الثورة والنضال، وين تغير المفاهيم البائسه والتفكير المحدود.
وجهة نظر
أنا بنفتكر إنه الوعي والتطور الفكري أساس الحياة وأب لحل كل مشاكلنا، المفروض في التوقيت دا بالذات يكون في محاضرات عن السياسه والإقتصاد وعلم المجتمع وعلم النفس، عشان نرتقي لمستوى الإدراك الحقيقي ونعرف قدر شنو كنا جاهلين وبنخلق من العدم موضوع وعندنا مليون مشكله ماعندنا ليها حل!
يلا نبدا هسسسسسي ياخ
إرتقوا
أسموا
أطلعوا من الضلام دا ياخ
أمرقوا عشان تشوفوا العالم واصل وين ونحن وين ياخ
معلييييش أعزروني والله مغبونه من الحاصل ونفسي الناس توعى وتفهم بدل التوهان والضياع دا
عندنا ديل واكتر
الجنينه تنزف
الإقتصاد منتهي
السلوكيات متدنيه
حق الشهيد رايح
حق البلد ضايع
والناس تضحك وتتنمر وتتعنصر أصحووووووووووووو
عوووووووووووك
