كتب : ابو وضاح
ه
ه
*أعجبني*:
تعجبني مرونة حزب الامه بين تجميد العلاقة وتسخينها المرة تلو الأخرى وتجلى ذلك بالأمس في انضمام المنصورة بت اللمام لوفد الحرية والتغيير لاستقبال وفد مقدمة الحركة الشعبية…..
عادي بعد ترجع البيت اول ما تنوم يقوم اللمام يشيل العلاقة يدخلها الفريزر يجمدها تاني…..
ه
ه
*(دعاء) أخلت بالأمن والسلامة*:
حكم القاضي عمر عبد المجيد على خمسة من شباب الثورة بينهم الفتاة (دعاء طارق) بالسجن شهرين والغرامة وبالعدم السجن لمدة شهر
وذلك تحت المادة 69 من القانون الجنائي التي تنص على تجريم من يقوم بفعل يقصد منه الاخلال بالسلام العام ….
والمادة 77/ 1 التي تجرم الفعل الذي يحتمل أن يسبب الضرر أوالخطر أو المضايقه الموجهه ضد الجمهور……
هسع عليكم الله البلد دي لو فيها زول منصف أيهم أحق بالمحاكمة ؟ هؤلاء الشباب الذين هتفوا (حرية سلام وعدالة) داخل الحراسة والا الطيب سيخة الذي يعوي داخل قاعة المحكمة…..
ه
ه
*مبادرة وصلني*:
عزيزي سائق العربة:
وانت في سكّتك ماشي يا ريت توصِّل معاك طالب لمدرسته ليلحق الامتحان.
للمزيد من الاستفسار: 0912344267
رقم الحساب بنك الخرطوم 1198132
ه
ه
📰 الوطن:
👈 تفاصيل محاكمة عبد الله البشير بتهمة بيع مصنع تابع للجيش
📌 القضية دي سلموها القاضي الحكم ناس دعاء والله إيدو سريعة خلاص
ه
📰 الوطن:
👈 الحكومة تكشف أسباب قطع الإنترنت
📌 دي بلا كشف حال ما عندها سبب تاني
ه
📰 الوطن:
👈 حميدتي يبحث معالجة ملف أبيي
📌 هيييع….. خلي واحد يجي يقول ما عندنا هدف
ه
📰 الوطن:
👈 مكتب رئيس الوزراء ينفي صدور قرار بتغيير العملة
📌 ما ابخس ما جاء به
ه
📰 النيل الدولية:
👈 عرمان: لسنا مع اقصاء احد عسكريين او مدنيين
📌 ولكننا ضد اعطاء تفويض للجيش ليستلم السلطة
ه
📰 النيل الدولية:
👈 الائتلاف الحاكم : السودان لا يحتمل تخفيض جديد في قيمة الجنيه
📌 هههههااااي هو الجنيه قاعد يشاور ؟
ه
📰 النيل الدولية:
👈 الوراق: قرار تبديل العملة مسألة فنية بحتة
📌 خلاص نغني له غزلية وين يا الرايقة يا الفنية
ه
📰 النيل الدولية:
👈 قطر والصحة العالمية تقدمان 6 مليون دولار دعما للمنظومة الصحية بالسودان
📌 اياكي أعني يا جارة
ه
📰 النيل الدولية:
👈 المالية تستعرض أولويات السودان التنموية بالجمعية العامة للأمم المتحدة
📌 ايوا دا شغل كويس
ه
📰 السوداني الدولية:
👈 عرمان: جئنا نحمل “السلام” ويجب إقامة علاقة قوية مع جنوب السودان
📌 على سنة الله ورسولة والا على سنة الحلو ؟
ه
📰 السوداني الدولية:
👈 حزب الأمة: المملكة تعتبر الأقرب للسودان على الدوام
📌 تلجة مقبولة ولو انه الدنيا خريف
ه
📰 السوداني الدولية:
👈 اعتصام للجان مقاومة الفتح بسبب مكب للنفايات
📌 المكب جاهم والا جوهو
ه
📰 السوداني الدولية:
👈 المحكمة ترفض الافراج عن نائب الرئيس المعزول
📌 يا اخواننا الزول دا عنده شغل في تركيا
ه
📰 السوداني الدولية:
👈 واشنطن تدعم الحكومة بـ (356) مليون دولار
📌 مكانها وين مكانها وين ؟
ه
📰 السوداني الدولية:
👈 قيادي بالتغيير يؤكِّد أن التطبيع مع إسرائيل مسألة وقت
📌 كلنا عارفين كدا
ه
📰 تاسيتي الاخبارية:
👈 وزير سابق يدعو للتحقيق حول أنشطة كبير مساعدي حمدوك
📌 ما اتكلم قبل ما يبقى وزير سابق ليه ؟
ه
📰 تاسيتي الاخبارية:
👈 مجلس الوزراء: تبديل العملة مسؤولية البنك المركزي
📌 والمركزي عاوز دولار والدولار فات فات في ذيله سبعة لفات
ه
📰 أخبار اليوم:
👈 وفد مقدمة الثورية يصل الخرطوم ويعقد مؤتمرا صحفيا و«أخبار اليوم» تورد التفاصيل.
📌 شفناهو ، سونا ما قصرت
ه
📰 أخبار اليوم:
👈 البرهان يلتقي قيادات قبائل البني عامر بولايتي البحر الأحمر وكسلا.
📌 لو ما لقاهم راستات وواقفين قنا احتمال يفوت يخليهم
ه
📰 أخبار اليوم:
👈 توالي انخفاض مناسيب النيل و(شندي) في أعلى المستويات.
📌 هيييع دا نيل جعلي مابينخفض الا يتجلد
ه
📰 السوداني :
👈 تعيين مدير عام مكلف لشركة مطار الخرطوم الدولي
📌 الكلام ما المدير الكلام السوس المدسوس
ه
📰 السوداني :
👈 المئات من مواطني الخرطوم يُفاجأون بتوقيفهم اليوم لـ «مخالفة حظر كورونا»
📌 دي هناية جديدة والا شنو البارح موش قالوا رفعوا الحظر دا ؟
ه
📰 السوداني :
👈 دال الغذائية تُقدِّم دعماً للمتضررين من الفيضانات بسنار
📌 شكرا دال
ه
📰 وكالة “سونا”:
👈 تاور يلتقي رئيس المجلس العربي الإفريقي للتكامل والتنمية
📌 وووب عليهم يشبعهم تعهدات
ه
📰 وكالة “سونا”:
👈 حمدوك يوجه بالاهتمام بقضايا التعايش السلمي بولاية القضارف
📌 بالرموت كونترول؟
ه
📰 وكالة “سونا”:
👈 حمدوك يتلقى اتصالاً هاتفياً من نظيره العراقي
📌 هسع تلقى الجداد كلهم قروها العرقي
ه
📰 وكالة “سونا”:
👈 أحمد البشير إبراهيم مفوضاً عاما لمفوضية العون الإنساني
📌 ماعندي معاهو شي لكن تركيبة اسمه تعمل حساسية
ه
📰 وكالة “سونا”:
👈 مؤتمر للتصوف بالسودان يشرفه حمدوك الثلاثاء المقبل
📌 ياجاجوجلا مساعي المال توكيلا علي الله دوام واردين
ادنى الدرجات لمكاشفي مولى يعطيك ما تدور من قام ما كلا في دنيا ودين
ه
📰 وكالة “سونا”:
👈 مريم الصادق: استدامة السلام تتطلب الصدق فى تنفيذه
📌 والا سيصبح بوخة
ه
📰 وكالة “سونا”:
👈 قيادية بالجبهة الثورية..لابد من تنفيذ بنود السلام بامانة وصدق
📌 من ناحيتنا نحن ان شاءالله صادقين شوفوا جماعتكم
ه
📰 وكالة “سونا”:
👈 تعاون سوداني أمريكي في مجال السكك الحديدية
📌 سبحان من يحيي العظام وهي رميم
ه
📰 وكالة “سونا”:
👈 اتحاد المهندسين العرب يقيم ندوة حول فيضانات السودان
📌 ثم ماذا ؟
ه
📰 وكالة “سونا”:
👈 مشاركة السودان باجتماع مدراء ومفتشي الشرطة بدول إقليم الايابكو
📌 الياباكو شبر آبوهو ضراع
ه
📰 وكالة “سونا”:
👈 المهن الموسيقية تنظم يوما مفتوحا لدعم متضرري الفيضانات
📌 ماشاءالله والله قربنا ننساهم
ه
📰 وكالة “سونا”:
👈 لجان المقاومة والدعم السريع تضبط مخازن للادوية بالجنينة
📌 وزعوها قبلها بس
ه
📰 وكالة “سونا”:
👈 الامارات تدعم متضرري الفيضانات بقرى جنوب شندي
📌 باقي لي ناس (ابوحمد وشمال نهر النيل) ما إلهم إلا اسرائيل
ه
📰 وكالة “سونا”:
👈 توقيع وثيقة صلح بين دار السلام الكواهلة وديم العمارةبجنوب الجزيرة
📌 فيهو قسمة الثروة والسلطة والا سلام بي ماجي؟
ه
ه
ابووضاح
https://www.facebook.com/dababies
.
