عاشق لسه في دربك بتابع
همو ريدك
ليك جو القلب طابع
انت قصدك منو ترحل
هو قاصد ليك ارابع
انت بحر العشق كلو
انت من ريدك منابع
؛؛؛؛؛؛؛؛؛؛؛؛؛؛؛؛؛
عاشقاً في دربو طول
مكن النم والغوافي
ليك قطع قلبو جزاء
وانت ما داير تعافي
ليك مشتاق ياخي يومي
وانت زايد في التجافي
لسه منتظرك تعود
تبقا ليهو طبيب وشافي
؛؛؛؛؛؛؛؛؛؛؛؛؛؛؛؛؛؛؛؛
همو كان الريد تبدأ
يوم بلحظات سعيدة
ليك زايد ديمه شوقو
زايده يومي الريده ريدة
الايام السمحه عدت
تاني مشتاقين نعيده
السعاده الكانت اولى
هسي من دنياي بعيده
{عبدالله حبيب الله}
