“وجع السنين” … قصيدة جديدة لعبدالله حبيب الله

مخلوقه من طينه ملاك
مكسيه بي توب العفاف
مكتوب علي درب هلاك
مشهوره بالذوق والادب
معشوقه ما بقبل بلاك
مشتوله في بلداٍ بعيد
مرتفعة لسه في علاك
ما تقلي لي هذا العذاب
ما انهدا حيل الكان معاك
صابر علي وجع السنين
لسع بدندن بي هواك
لافك للريد القبيل
لافكر انو يشوف سواك
اتمنى لو ترجع تعود
لو ينسى ايامو البراك
مكسور وقاعد منتظر
يومو بالضوي فجر سماك
تمطر عليهو محنتك
يسعد بقربك وبي لقاك
يضحك يصفق بالفرح
ما أشتما عطراً من شذاك

{عبدالله حبيب الله}