السودان وطن عزيز وغالي ووطن له موقع متقدم بين العالم الحر وله حضارات قديمة وراسخة عرف الدولة وادارة الدولة والتعامل مع فنون الحكم منذ الاف السنين و به شعب جبار. سجل في التاريخ مواقف مشهودة وقاد ثورات عظام. شارك العالم في كثير من الاشياء القيمة واقام دولة عظمي في افريقيا. وساعد في تحرير شعوب كثيرة بل قاد مع اخرين ثورة افريقيا للتحرير من العبودية وساعد في طرد الاستعمار الحديث في دول افريقية منها جنوب افريقيا والجزائر وهو من الشعوب المطلعة والمثقفة حيث كان يقال في الاربعينات والخمسينات وستينات القرن الماضي ان القاهرة تكتب وبيروت تطبع. والخرطوم تقرا
السودان علم كثير من شعوب العالم الثورات ومحاربة الاستعمار الحديث
جنود السودان اشتركوا في الحرب العالمية الاولي والثانية وكان لانتصار الحلفاء في ليبيا والعلمين دور كبير للجيش السوداني حتي قال عنهم تشرشل مقولته المشهورة
السودان دولة عظيمة وان جار عليها الزمان ودخلت في دورة كل عام ترذلون بتصرفات بعض ابنائها
وقصر نظرهم وابتعادهم عن قيم واخلاق وعادات وتقاليد وصفات اهل السودان
السودان عمره كان ابيا شامخا. لم يخضع وتمرغ انفه في التراب ابدا ودائما مرفوع الراس وجبهته عاليه
فقر ومسغبة و لكن عزة نفس واباء
السودان بني وعلم كثير من الدول التي تتطاول عليه الان
والسودان لم يقصر ابدا في القيام بدوره في امته العربية والاسلامية قاتل ابناء السودان في كل الحروب العربية ضد اسرائيل وسالت دماء ابنائه في حرب 1948م وحرب 1967م واكتوبر 1973م. وعقد مؤتمر الخرطوم للاءات الثلاثة وصالح بين الملك فيصل والزعيم بعد الناصر
وكذلك كان الرئيس النميري في بيروت بنفسه في الازمة الفلسطينة (ايلول الاسود)
بني ابناء السودان دول عربية معروفة بعلمهم وعرقهم
ومازال اهل السودان يدفعون ثمن الاخاء مع الحلفاء في حرب اليمن
لم يمتن اهل السودان يوما علي امتهم رغم ضيق ذات اليد والمسغبة والتي سببها الاستعمار والحصار الاقتصادي من دول كبري تود ان تسيطر علي موارده وموقعه وقراره الوطني
السودان ليس دوله (هوينه)
سهل قيادها وهو سيد ما عنده اسياد وهو راس مش ذيل وان جارت عليه الايام. ومارد متوقع في ان يكسر القيد الذي يقيده به التدخل الاجنبي والاستعمار الخارجي وبعض ابنائه من حملة الجنسيات المزدوجة
السودان دوله تعلم الشعوب التحرر والانعتاق من قبضة الاستعمار
ان التدخل السافر جدا في قراره الوطني من بعض الدول بدعوي الواسطة في حل ازمات الحكم فيه مرفوض لانه ليس تدخلا محايدا لصالحه ولكنه تدخلا منحازا ويبعثر ويشتت في اهل وابناء السودان
ان تحرك الالية الخماسيه ليس في مصلحة السودان حيث ان بعضهم عامل ليمكن لمشروعه العلماني الليبرالي الجديد في السودان ليخدم اجندته علي حساب الشعب السوداني
وجزء من الخماسية عاوز موارد السودان وعينه علي بعض المشاريع الهامة في السودان مواني واراضي زراعية. ومعادن وغاز وبترول واخرين يريدون اضعاف الموسسة العسكرية ليسهل تفتيت السودان الي دويلات
ليس هنالك من يعمل لصالح السودان
كل هذه الواسطات مفخخة ليس فيها اي امر لصالح السودان الوطن او السودان الشعب
ياهؤلاء ارفعوا ايديكم عن السودان. واحذروا غضبة الحليم
العالم الان يغلي ويتشكل وتكثر فيه. بور التوتر والتنازع لا تزيدوا الارض توترا
الديمقراطية لم تعد سلعة ذات قيمة فهي بارت في الغرب وصار الغرب نفسه مازوم. وقسمت مجتمعاته الي قمة وقاعدة والي اثرياء واغنياء الي فقراء. معدومين وانتشرت فيه العنصرية (سود وبيض ) انتشار النار في الهشيم (ما تسوموا الموية في حارة السقايين)
اعملوا في السودان بالحسني او كفوا ايديكم
السودانيون يسمونهم (ابو نوامه) ثعبان ينوم كثيرا ولكن اذا صحا شديدة اللدغة وسام جدا
رجاءنا لكم اذا كنت تودون التوسط في الامر السوداني اما اجعلوه جامعا وعاما او. ابتعدوا عن القضية السودانية
ارعوا شئون دولكم ومصالحها دون التدخل في الشان السوداني اهل السودان ادري بمصالحهم (اهل مكة ادري بشعابها)
الشعب السوداني لين الجانب وكريم وحسن التعامل مع الاخر وهو شعب حليم
وعليه ايها (الخماسية احذروا غضبة الحليم)
تحياتي
