نالخرطوم : لمياء صلاح
شهدت شوارع الخرطوم اليوم حركة مضطردة ما بين الساعة السادسة صباحا والثالثة مساءا وهناك ازدحام في الكباري خاصة كوبري النيل الأزرق والمك نمر وكوبري الحلفايا وكوبري شمبات..
وفي استطلاع ل ( الحاكم نيوز) مع عدد من المواطنين يقول مواطن ( نحن لازم نطلع- نأكل ونشرب من وين – عندي 8 اطفال وانا اعمل عتالي في السكة حديد لو اشتغلت ب (500) جنيه في اليوم ما بتكفي الأكل والشراب مع الأسعار المولدة نار دي..
وتقول مواطنة إنها تعمل بائعة كسرة لتعيش بيها أولادها وانها لازم تتحرك من الكدرو الي شمبات ومن شمبات لي بحري وتركب بالقطاعي مما يكلفها ذلك أكثر من 150 ذهابا و150 إيابا وان أصحاب الحافلات بقولوا إنهم بشتروا الجاز بالسوق الأسود لأنه اصلا مافي مواصلات .
واردفت بقولها ( والله العيشة ضاقت بينا الحظر ده لي متين.)
ويقول صاحب مطعم انه يذهب مبكرا الي سوق السمك في الموردة وإنه يركب أجرة من جنب الكوبري لكي يقطع الكوبري بي100جنيه ومرات 150 وبعد يقطع يقوم باستئجار مركبة مرة أخري مؤكدا ان الحركة نفسها بطيئة من التفتيش وفحص التصاديق ( لما الواحد يصل يلقي الظهر اذن .)
ويقول صاحب مركبة ان لديهم أسر يقومون بالصرف عليها ويحاول الواحد فيهم (يشيل ليه فردة يطلع منها مصاريف بدل قعدة البيت الما منها فائدة دي ) .
ويقول مواطن مريض يعمل في علاج طبيعي في أم درمان إنه يقوم بقطع الكوبري من بحري بعد تعب ومعاناة و ناس التفتيش بوقفوا الناس كتير لدرجة أنه يتقفل الشارع بحجة أنه في تصاديق مزورة أو مستخرجة بالاسكنر بالتالي نتأخر من مواعيدنا وقال (الحظر ده احسن يفكوه مافي زول قاعد في بيته خلو الناس تشوف معايشها واي زول يعمل احتياطي يشيل معقمه ويلبس كمامته)
.
