الشاعرة نضال الحاج توضح حقيقة هذه الصورة

الخرطوم الحاكم نيوز

نشرت الشاعرة والطالبة الجامعية نضال الحاج توضيحًا حول صورة لها متداولة وهي تحمل طفلة حديثة الولادة والتي تم تداولها بأن نضال أجريت عملية ولادة لاحدي الأمهات فكتبت

تعديل يااخوانا (اخبار مشاهير السودان) قالت انا نفذت العملية ..بالغتو والله زيدو ياخ لكن ماتكضبوا ..انا طاااالبة مستحيل انفذ عملية …
تعديل ياجماعه..انا لسه ماتخرجت عشان اتخصص باقي لي سنه بحول الله للتخرج ..بعد داك بإذن الله ناوية اتخصص مخ واعصاب اطفال انتو اشبكوها دعوات بس..

لما تكون أول يوم عمليات …وتجي بنية زي القمر تبارك الله ابوها يحلف حرام يسميها عليك..الله يجبر خواطركم كلكم يارب ..ادعوا لي نضال الصغيرة كلكم…د.سارة قالت الخيل تجقلب والشكر لي حماد البت نحن دخلنا امها العملية وسموها علي نضال …الحمدلله كثيرا ..المشوار طويل
ودعواتكم سلاح وقوة ..يارب التوفيق

الحاكم نيوز وجهة جديدة في عالم الصحافة الرقمية المتطورة... سرعة اكتر مصداقية اكتر دقة وانتشار للخبر والإعلان ..™

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى