الخرطوم الحاكم نيوز
اعلنت الشاعرة المعروفة نضال حسن الحاج انها في السنة الرابعة طب مؤكدة أنها لأول مرة تجلس أمام مريض لمعالحتة.
ونشرت نضال في صفحتها على فيس بوك قائلة :
فتحت الصفحة وقفلتها مرارا والعبرة خانقاني وماعارفه اكتب شنو …
خفت دموعي تخذلني وانا باخد اول تاريخ مرضي لي (مريضة)…دموع فرح ممكن هي ماتعرفا ….
ولأنكم أهلي ..قررت اشارككم شعوري …
الليلة اول يوم مستشفى بالنسبة لي …اول يوم اقعد قدام عيان/ه وانا شايله قلم ودفتر صغير …اول يوم ادخل عيادة وانا الحمد لله ما مريضة ولا مرافقة …قد يكون شعور عادي بالنسبة لي اي زول ..او لي اي طالب طب…لكن نظرا للظروف المحيطة بي أنا ..ومطاردتي للطب كرغبة ملحه ..كان الموضوع يستحق كمية الدموع النزلت مني اول ما دخلت على أولادي
بفضل الله ودعوات والديّ ودعواتكم …وصلت السنة الرابعة الحمدلله …ودخلت المستشفى بفضل الله ..شكر ومحبة لكل زول دعمني ولو بدعوة في ظهر الغيب …ويارب اكون من المتفوقين في الحقل الطبي ..واقدر اساعد الناس بي البسيط البعرفو …
محبات كتااار …
