الشاعره توسل احمد تتعايش مع القضيه الوطنيه بكل تفاصيلها وتخاطب جماهير ( الشفاته)

الخرطوم – الحاكم نيوز

يلاك معاي يااسمر السودان بنادي
لي كلنا وتخطيطنا جد سودانا صادي
نبنيهو يصبح جنه كيتا للاعادي
حريه ثروه سلام عداله تسود بلادي
سوداني حر يوماتي بفخر بي سودادي

ايدي في اديك يااسمر الوطن انتماء
تفديهو روحنا النيل ونبذل لي الدماء
مليون شهيد في العام قضيتم النماء
وكمان قضيتم السلام حتى السماء
وقضيتم نحنا وخلاصنا من الضماء

يااسمر السودان جميل وطن الجدود
حاني ووريف اخضر ومرتع للاسود
يلاكا نبنيهو ونكتب ليه خلود
حريه ثروه سلام عداله ثبات صمود
سودانا يااسمر بوحدتنا بيسود

انا وانت يااسمر نكون فخر الوطن
مع بعضنا بنعبر ونتحدي المحن
كلمتنا وحده تكون ( بذل من غير تمن)
من اجل سودانا العزيز نمحي الفتن
سودان ثبات وصمود ثقافه وثروه فن

نحنا الكرم نحنا الزرع والنيل شراب
نحنا الجدودنا عزاز حرام مادقو باب
نحنا البنزرع فيكا يالوطن اليباب
ناكل ونلبس وندي بس عايزين ثواب
حب الوطن في دمانا شيبا او شباب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى