٢٠ من رموز الفن السوداني يدعمون القوات المسلحة في أضخم أوبريت
الخرطوم –
أطلق ٢٠ من الفنانين والفنانات السودانيات ومبدعين من المهن المختلفة أوبريت باسم ” جيشنا” لدعم القوات المسلحة التي تذود عن حدود البلاد.
ويسعى المبدعون السودانيون إلى تقديم الدعم المعنوي للجنود السودانيين المدافعين عن أرض السودان وعرضه وموارده.
ومن أبرز المشاركين في هذه الملحمة الوطنية الفنانيين والفنانات شرحبيل أحمد وعمر احساس وسيف الجامعة وبلال موسى وعصام محمد نور والهادي الجب وعاصم البنا والبعيو ورامي وإيمان الشريف وندي القلعة وملاذ غازي ومنار صديق ورؤى محمد نعيم سعد وسميرة دنيا وحنان بلوبلو وعبد القادر سالم وهاجر كباشي ويوسف الموصلي.
واكد الاستاذ الفنان عبدالقادر سالم أن هذه المبادرة تأتي للتعبير عن وقوف الفنانين في خندق واحد مع الجنود السودانيين المرابطين على الحدود.
وقال أن الفنان السوداني ظل طول الحقب التاريخية في خندق واحد مع جيش البلاد.
وأشار إلى أن هذا اقل ما يقدمه الفنان السوداني لمن يذودون عن أرض الوطن بأرواحهم.
وقال المخرج السوداني سيف الدين حسن أن هذه مبادرة فنية كبيرة تهدف إلى الوقوف مع الجيش السوداني والتلاحم معه في معركته للدفاع عن أرض الوطن.
وأكد سيف الدين أن مشاهد تصوير الفيديو كليب تمت في المناطق التي استردها الجيش السوداني في الفشقة بولاية القضارف بخلاف المناطق العسكرية المختلفة.
وأكد الاستاذ سيف الدين حسن أن مشروع تقديم الدعم المعنوي للجيش السوداني يقف خلفه مبدعين ومنتجين ومخرجين من ضمنهم محمود عبدالله وأميز المصورين الشباب وأنه ليس هنالك حياد تجاه الوطن وجنود القوات المسلحة في الحدود.
وتوقع سيف أن يتم بث الأوبريت قريبا.
وكشف عن كلمات الأوبريت التي كتبها الشاعر علاء الدين
ولحن الأوبريت الاستاذ الموسيقار محمد ضرار
( *جيشنا* )
جيشنا يا اصل القضيه
جيشنا يا اشرف هويه
يامواقفنا وصمودنا
في الملمات العصيه
جيشنا كلمه
جيشنا حكمه
جيشنا ورده وبندقيه..
*****
انت مننا
نحن منك
جيش بلدنا ياسندنا
انت ياسيفنا وعضدنا
ياكا دخرينا وسندنا
نبني مجدك بي ايدينا
واصلو مابتهون علينا
في حنايا الجوف لانك
انت مننا..نحن منك
*****
نحن شعبك وفيض سليلك
ديمه فايض سلسبيلك
شعبي مامنظور مثيلو
وانت مامنظور مثيلك
تحمي ارضك وتحمي نيلك
وفي العيون دايما نشيلك
فوق ايديك بنخت ايدينا
عهد واثق ليك ولينا
*****
تحمي للانسان كرامتو
والبلد بتعلي هامتو
ديمه تحفظ لي سلامتو
في الصمود تصبح علامتو
لو نقص منك تمامتو
انت جيشنا الما بساوم
وما بفرط في كرامتو..
*****
جيشنا بي مواقفو النبيله
عزو من عزه وخليلها
حامي ارضو
وحامي عرضو
وماسك السكه العديله
جيشنا في كل المواقف
ياهو شيال التقيله
*****
ليكا في الحوبات اسود
في قرانا وفي المداين
ديمه حارسين الحدود
جيشنا يا اصدق عقيده
جيشنا يا اروع قصيده
يادرع وطن الجدود
ليكا بالارواح نجود
مابنفرط نحن فيكا
وبيك رافعين البنود
وكل همنا..ياوطنا
الامان والخير يسود..
