اغلاق شارع الخرطوم ود مدني “بالمتاريس

مدني،وعد الحق امين

تم قفل شارع مدني الخرطوم واجبار المسافرين علي النزول والتوقف وسوف تكون ” المتاريس “علي امتداد شارع (مدني_ الخرطوم) ليس احتجاجا علي الاوضاع المعيشيه الصعبه ولا علي انقطاع التيار الكهربائي ولا علي ندرة المواد البتروليه ولكن سيكون القفل بنوع اخر يشهده كل مسافر علي الطريق المواعيد بعد (الخامسه والنصف مساء) حيث ينسي الناس كل الهموم ويصبح الهم الاوحد هو “افطار الصائمين” فتجد من يقف لك وهو محزم وملزم معرضا حياته للخطر وغالبا ما يكون الوقوف داخل الاسفلت وعندما تقول” لسه الوقت بدري علي الفطور ” ياتيك الكلام الحاسمه من شيخ محكر في طرف البرش( يازول حرم تنزل حلل الطعام وواصل مشوارك) ربنا يوصلك بالسلامه هنا “قطعت جهيزه قول كل خطيب” تنزل انت من سيارتك فيصيح اخر من الجلوس النسوان (دخلوهن جوه مع الحريم) هكذا عودنا اهل الجزيره بهذا الكرم الفياض مع المثقبه الواضحه علي الجميع لكن العصيده موجوده والبليله واهم من كل ذلك المباشره وتحقق المثل السوداني (بليلة مباشر )هم تعودوا علي ذلك ولن يتركوا اكرام الضيف واي ضيف انه ضيف الشهر الكريم ايظن احد ان من يقدمون الطعام بهذه الاريحيه وبهذه الوجوه المبتسمه فباذن الله لن نضام وان بعد العسر يسرا اهل الكرم والواجب اهل الجزيره كل عام وانتم بخير اهلنا في الجزيرة في النوبه وفي مدني وفي المسيد وفي الكاملين وفي ابوعشر وابو فروع والحصاحيصا واربجي وعمارة ابيد والقريقري والدوينيب وعترة والكمر وكل اهلنا دون فرز كل الحب ناس الجزيره وكل سنة وانتو طيبين ورمضان كريم علينا وعليكم .

الحاكم نيوز وجهة جديدة في عالم الصحافة الرقمية المتطورة... سرعة اكتر مصداقية اكتر دقة وانتشار للخبر والإعلان ..™

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى