رسالة للجنجويد

 

شنو قصة لابس ليك 3 ملايات في راسك وشايل سلاح وبتضرب في راجل كبير مسن أو بتخوف في امرأة ضعيفة وتستقوي على الناس بالسلاح تسلب أموالهم وتنتهك اعراضهم يعني انت كدا خلاص راجل واسد؟!!…

 

لا انت متمرد جبان وضيع ما عندك قيمة وما راجل اصلاََ ولا سوداني لانو لو سوداني ما كان ممكن تكون كدا بدون نخوة أو شرف وكان ممكن تمشي مكان الرجال محل الدواس لكن انت لأنك جبان ووضيع قررت تمشي محل المواطن الضعيف تنهب وتشرد وتعمل فيها راجل تقتل ليك كم انسان لاحول له ولا قوة وفي اعتقادك انك انت انتصرت..!

 

لا ما انتصرت ومصيرك الموت لكن انت بتموت بطريقة بشعة أسوأ ميتة لأنك لمن قررت تعمل كدا عملتو مع الإنسان الضعيف ودا سلاحو الوحيد الممكن يحاربك بيهو هو الدعاء.

الحرب دي ورتنا انو منو الناس الماعندهم مكان معانا لأنهم ما بشبهو الشعب السوداني دا ناس ما عندها لا نخوة ولا شرف قبيل كنا مخدوعين جداََ فيهم والان اكتشفنا انهم حرامية همباتة ساي باختصار كدا ناس ما رجال.

الراجل الجد دا البحمي الضعيف وينصرو ويعطف عليه ودي صفات السوداني الجد بن البلد الفيهو دم السودانيين الحار لكن لمن يكون واحد شايل سلاح وهو زاتو قواد ساي ببقا لازم تعيد حساباتك كويس وترتب كل شي في محلو.

الوسخ الحائم في الجزيرة دا في رسالة مهمة ليهم ما تفرحوا كتير خليكم في الدياسة حقتكم دي ياملاقيط ياعديمي الشرف والرجولة والانتقام ما ح يكون كلمة بنسمعها ذي كلمة بشع وكدا بيكون انتقام ما حصل في التاريخ لا قديم لا حديث.