نقطة تفتيش – نادر عثمان الجميعابي – امبدة فخامة الاسم تكفي

في باطن كل إنسان جوهره تسمي الضمير ذات اضائة مستمره تدعم صاحبها بالحياه والاشاره الي درب الحق والخير والصلاح فإذا تلاش هذا الضوء وخفض هذا الإشعاع فلا حياه لمن تنادي
وفي نقطه تفتيش اليوم لا ننادي من خالفو ضميرهم وباعو الذمم والهوية وناصرو من هم لادين لهم ولاذمه قتله مأجورين لهم أسياد وازيال همج غادرين جنجويد متمردين حتي علي أنفسهم فهم شر لابد أن ينقطع.

مرات في الحب البت بتكونك وتزعل منك وانت تخونه وبرضو تكونك
ولماتخونك انت بتفقد البتكونه والبتخونه والبتكونك .
مازي الوطن يديك ويكونك وانت تخونو وبرضو يكونك ولما تكونو يفرح بيك الدون والليك والدونك
بس لما تخونو هو البيكونك ويزعل منك حتي الدونك
بتفارق المله وحتي الشله وأولاد الحله ببقو بدونك
والخيانه خشم بيوت

نسعد كثيرا في مايخط يراعنا وتجوش به قريحتنا في نقطه تفتيش حيث نري من هم في مرمي كتاباتنا الا وهم الشباب الذين سطرو ملاحم بطوليه تمتلك اوصالهم وطنيتهم ومواقفهم تظل مشهوده في اصطفافهم ودعمهم للقوات المسلحه ضد من خان البلاد وتمرد علي جيشها وأصبح جماعه ارهابيه و مستمرين في البزل والعطاء مؤمنين بحب الوطن محققين كلمه جيش واحد شعب واحد

والجيش بيحارب ونحنا نحارب ونصرنا قرب ياالبتقارب وياالعقارب وياالبتخونو حتعيش بدونو ونحنا كمان ليك حنحارب وانت وقفت مع الجنجويد وقايل انو ما حنعرفك
الغربال شغال

زي مافيكم عملا وخونه بلدنا ملانه أبطال ورجال صنددو وقفو وشالو سلاحهم وحانقتلكم انتو الخونه يا العاونتا ويا الوصفتا ويالشفشفتا وياالاستنفرت معاهم وخنتا انتو مكانكم دفار المقابر

لمن بكتب بشوف امبده وأهل الخير واللمه ناس العادات والتقاليد ناس التكيه والنفاج وناس الخيمه وشارع الحله والجميعاب وناس سوق مدني وجامع الصايم وشيخ الطاهر وناس سوق فور وأولاد قلبا وناس الكوره والماسوره والزول الفرحه وناس الدنيا وميدان الحجر وجامع لا إله إلا الله وسوق امدفسو وناس سوق ليبيا وناس أبوزيد وتقاطع كرور والراشدين والشيخ حمد النيل يوم الجمعه تعال الرابطه وتحت الكبري بنشرب جبنه وناس الطاحون وسوق الشجيرات وميدان سمراء ودار السلام والمرخيات وسوق القدير والمستشفى وغندهار والموقف والناس الكتار وانا وانت والرجاله والبساله
امبده فخامه الاسم تكفي

وانت تشفشف ياخ مابتخجل الجيش بيحارب ونحنا نحارب وانت تشفشف ح تتبلا ولازم حتما ح تتبلا لو قديت بالسمبك زاتو ماحنسيبك ولاح ننسا والشالا موزه وعامل فيها انو اتخارج حيتبلا ديل لصغار الخونه والعملاء
اما كبارهم وكلاب الدويله الممونه للمجرمين ومليشيا الغدر التي تستهدف الشعب الباعونا بالرخيس لوما جو البلد دي تاني يسحبو جوازاتهم ومافي غير ياالبل ياالبل ديل خانو الوطن وخانو العروض
الفات مجاملات والجاي درونات

نقطة تفتيش اخيرة

حواء والده والنعمه واجده وبلدنا عمران ب رجالة صفوف والوف مقاومة شعبية والقوقو خلي بالنية والزارعنا غير الله اللجي يقلعنا

وزحزحه قال

قل كيفما هدم الزمان بيوتنا ظلما وعمدا

إننا حبا وعدا سوف نبني من جديد
سأعيش رقم الداء والاعداء جبارا عنيد
ساظل امشي لاكما الطرقات تمشي بل كما خطوي يريد

والله جد