ﻛﻠﻤﺎﺕ ﺍﻟﺸﺎﻋﺮ ﺍﻟﻄﻴﺐ ﺣﺴﻦ ﺍﻟﻄﻴﺐ
يا وطني العزيز يا أول وآخر
أهتف بي حياتك وبي حبك أفاخر
كيف لا أستميت في حبي وأجاهر
بي إخلاص ليك يا الواديك زاهر
تاريخك مجيد لي أعداك شاهر
صحفو مرصعات بالدر والجواهر
كم في هواك رجال اتلقوا المخاطر
مفرد جمعهم كالأسد البناتر
في حوضك يمين قط ما راعو خاطر
وسجلوا مجدهم بدماء البواتر
أنصارك كمان ما بعرفوا المظاهر
وأحرزوا نصرهم بي تفوق ظاهر
واقعة (هكسي) ليهم هي برهان ظاهر
ما تقهقر جيشهم وللكتائب قاهر
بي داعي الوطن ألهبوا للضماير
وقاموا بواجبهم يوم دارت الدوائر
في جبال كرري صالوا وقاموا كل غاير
وماتوا مجاهدين طاهرين السراير
فوق سفح الجبل قف يا صاحي خابر
هاتيك الربوع عن تلك المقابر
تخبرك الجماجم أنها من أكابر
شهداء الوطن في الزمان الغابر
يا حليل عصرهم بالمآثر عامر
ناهي عن المعاصي وبالفضايل آمر
ذكراهم شجاني ودمعي أصبح هامر
شنف سمعي بيه وزيد وقول يا سامر
*
**
